साई बाबा चालीसा — पूर्ण पाठ

माथ नाय श्री गुरू चरण, बिनवऊं सिद्ध गणेश ।॥
बरनऊं सांई बिसद जस, सुमिरत मिटहिं कलेश ॥१॥
चरण-कमल महिं शरण दो, बाबा सांई नाथ ।॥
भक्तबछल करूणायतन, मैं सब भांति अनाथ ॥२॥

जय समर्थ सांई सरवेश्वर । जय दत्तात्रय जय अखिलेश्वर ॥१॥
जय कृपालु हे कृष्ण कन्हाई । पढरपुर के बिट्ठल सांई ॥२॥
रामचन्द्र जी के अवतारा । तिंहू लोक जस को विस्तारा ॥३॥
पावन परम चरित्र तिहारे । तीन ताप सो तुरत निवारे ॥४॥
उर धारिअ सांई जस पावन । कलि-मल-हरन सकल भय तारन ॥५॥
सांई सरन सहज गति आवे । संसृति-सागर सबहि सुखावे ॥६॥
दुखित भक्त पर सांई दयालु । बिनु कारण उपकारि कृपालु ॥७॥
हरिणाकश्यपु कलिजुग क्लेशा । श्री सांई नरकेहरि वेशा ॥८॥
जन प्रहलाद त्रास को टारो । विपद-निसाचर उदर बिदारो ॥९॥
दैहिक दैविक भौतिक तापा । सांई सब मेटे संतापा ॥१०॥
अष्ट सिद्धि, नवनिधि तव चेरी । तदपि न तृष्णा वैभव केरी ॥११॥
शिव विभूति खट्वांग विभूति । ब्याल, कपाल, गंग अरू बूटी ॥१२॥
आसन टाट धरी तन कफानी । सांई साधी माया नटनी ॥१३॥
सांई शिव संपति के दाता । आत्म-क्रीड परमानन्द राता ॥१४॥
स्वात्माराम विषय नहीं भावे । मुक्त-हस्त वैभव बरसावे ॥१५॥
ज्ञान, मान के अवढर दानी । अपनायो अति नीचहि प्रानी ॥१६॥
भूत, भविष्य काल-गीत-स्वामी । योगेश्वर अव्यक्त अनामी ॥१७॥
चरण-धूलि जिन सीसा धरी है । सांई तिन पर दया करी है ॥१८॥
जिन विभूति को कियो प्रयोग । मिटे तुरत सब जग के रोगा ॥१९॥
कृपा दृष्टि जब सांई निहारे । गूंगा ज्ञान अगम्य उचारे ॥२०॥
दिव्य तेज मुख सदा बिराजा । सुराधीश लख वैभव लाजा ॥२१॥
जुड़ा द्वारकामाई समाजू । शिरडी पावन तीरथ राजू ॥२२॥
सांई संगम जहां बुलायो । पाप-पुंज फल माहिं नसायो ॥२३॥
भक्त-हेतु नानां तनु धारी । सांई महिमा अमित तुम्हारी ॥२४॥
कलिमल-विपट कुठारी सांई । भसूत-हनन कपि-कुंजर नाई ॥२५॥
निर्धन जन तुम बने कुबेरा । ज्ञान-दीप, अज्ञान अंधेरा ॥२६॥
करूणाकर तुम सौख्या लुटाओ । जन का सुख निज सीस चढ़ायो ॥२७॥
कृपा तुम्हारी अनन्त अपारा । गगन सदृश्य व्यापक विस्तारा ॥२८॥
दया-सिंधु तुम अगम अगाधा । जन को सरल सुगम निर्बाधा ॥२९॥
कल्प वृक्ष शीतलतादायी । चिंतामणि चिंताहर सांई ॥३०॥
कामधेनु अभिमत फलदाता । सिद्धि-ऋद्धि, सुख, वैभव दाता ॥३१॥
तुम उदार सीतापति जैसे । अपनायो जिन चितव अनैसे ॥३२॥
बिसर गयो जन तुम नहिं भूले । मो पर सदा रहहु अनुकूले ॥३३॥
प्रनवउं सांई नमामि नमामी । मैं सकाम तुम सदा अकामी ॥३४॥
शरण तिहारी लाज निभाओ । गहो बांह भव पार लगाओ ॥३५॥
सुमिरत सांई नाम तिहारो । सारद आई विरद संभारो ॥३६॥
श्रद्धा उर धर सांई जपै नित । निर्मल मति अति शांत होय चित ॥३७॥
सांई सनाथ किये अगनित जन । दे दी सद्गति संत परमधन ॥३८॥
पारब्रह्म हे-नित्य अगोचर । कदऊं भक्त हेतु दृग्गोचर ॥३९॥
बंदउं पुनि-पुनि सांई नाथा । करहु कृपा धर सिर पर हाथा ॥४०॥

चालीसा यह नित पढ़े, जो श्रद्धा उर आनि ।॥
पाइ पदारथ चारिहौं, सांई करै कल्यान ॥१॥
भक्त-हृदय निर्मल गगन, सांई चन्द्र समान ।॥
विकसित भक्ति-कुमोदिनी, सदा रहउ अम्लान ॥२॥